探射燈:歷15年黑暗 見番老公感動

成為亞洲首名植入人工視網膜的曾太,今年五十七歲,與三名姊姊均不幸患遺傳性視網膜色素病變。她於十五年前發病,很快惡化至完全失明,世界變成一片漆黑,幸丈夫及四名女兒不離不棄。今次重拾光明,終可再見最愛的家人,「最記得有一日食早餐,突然隱約睇到老公坐喺我對面,終於見得番佢!」

曾先生昨憶述,太太四十歲時,已察覺其視力有問題,「有次同佢出街,我轉咗彎佢都唔知,一直拖住小朋友行咗去。」他說太太在七兄弟姊妹中排行最小,三名姊姊於上述事件後不久,先後證實患視網膜色素病變,太太求診後亦確診患該症,當時四名女兒最小的僅六歲,最大也不過十六歲。

現可隱約看見輪廓

曾太於發病後十年視力持續衰退,很快接近完全失明,並於五年前喪失全部感光能力。但她極度堅強,透過反覆練習,很快熟習於黑暗中做家務、煮晚飯及洗衣服。她本身任職按摩師,失明後仍每日獨自從荃灣住所到深水埗上班。

今年二月她獲港大挑選,於右眼植入人工視網膜,術後很快重新感受到光影,「好開心,原本視力已經係零,依家有時食嘢見得番啲杯,有時洗碗見得番支洗潔精。」最令她感動的,是某天吃早餐時,看見坐在面前的丈夫,「雖然睇唔清楚眼耳口鼻,只係隱約見到輪廓,但已好滿足。」

港大專家指出,曾太的視力恢復至20/800,即由完全失明,進步至在二十米距離內可以看見視力正常者於八百米外可看見的景物,成績甚至比之前接受手術的九名德國人更加好,暫列全球最佳。「以前出街偶爾會撞親人,依家睇得到有人影識避開」曾太說。

雖然醫生明言新技術仍在試驗階段,外國有患者因儀器耗損而再度失明,但曾太明言不害怕,「我都盲咗咁耐,依家已賺咗,我做手術係想幫到科學家完成研究,等其他病人有個盼望,唔好覺得一定無得醫!」

第一手消息請下載on.cc東方互動iPhone/iPad/Android/Windows Phone Apps

搵樓18即睇最新樓價走勢、最全面地產新聞及筍盤情報