中環出更：張智彥撐用紙有理
現今社會乜都講環保，唔少學校仲推行無紙化，以電腦取代傳統教材。卓妮有日遇到從事印刷生意嘅保良局總理張智彥（Human），佢話好擔心無紙化影響小朋友嘅腦部發展，唔敢想像將來嘅社會變成點喎。
電腦化阻礙腦部成長
Human話，用手寫字係可以鍛煉腦部發展，令大腦對字句更為深刻，對小朋友尤為重要。不過，依家智能手機、平板電腦咁普及，小朋友唔再執筆寫字，以鍵盤輸入代替，久而久之會阻礙腦部成長，仲可能會變成智障，聽落真係好恐怖。
對於有人覺得用紙唔環保，Human就話呢個係好大嘅誤解，皆因最優質嘅木材都用作建築，其次用於製造傢俬，剩低嘅劣質木及木碎先至用來造紙，所以係物盡其用至真。況且，紙張可以循環再造，反觀iPad、智能手機得兩三年壽命，拎去堆填區十年都「唔化」，咁仲唔環保喎。