煲呔曾早前掛住嘥公帑外訪歎世界，無認真做好新舊政府交接工作，結果備受批評，所以佢外訪返港後第一時間補鑊，話要全力為新舊政府做好無縫交接工作。特首辦主任梁卓偉接到柯打後亦隨即做嘢，尋日拉埋候任特首辦主管羅范椒芬出嚟交代政府交接問題，而且落足鞋油向羅太笠高帽，話羅太喺九七年都做過特首辦主任，所以佢要向羅太呢位「大師姐」學嘢喎！
