簷篷滴水 食署扮唔知
大廈簷篷滴水濺濕行人路，食物環境衞生署卻稱「冇發現」！鍾先生早前行經大埔懷仁街時，突有水滴從天而降，抬頭一望發現不斷有水滴從大廈簷篷流下，行人路亦變得濕滑一片，「啲水不停咁滴落嚟，搞到成笪地都濕晒，真係好易跣親人，我成日見有食環署職員行過呢度，點解會見唔到滴水？」
不過，食環署發言人卻表示，接獲本報轉介後曾多次派員於不同時段到上址巡查，均未發現有關簷篷滴水，行人路亦未發現有水漬。
「居然係冇發現？好在我有影相為證！不過點都好，希望佢哋之後會睇緊啲，呢度附近有好多老人家出出入入，跣親佢哋就唔好喇！」鍾先生對於食環署回覆心存懷疑，要求署方職員巡邏時多加留意街道衞生情況，而非「掂行掂過」了事。