調查發現：五份免費中文報紙，壹淫媒旗下的《爽報》宣淫第一，更被評為報道手法誇張失實兼最不客觀。
事實上，政府多年來空談淫審改革，所謂「檢討諮詢」，完全缺乏誠意同決心，啲高官一味死撐，又話「盡晒力」，阿哥，你估如今仲係老子嗰個時代，以為「民多智慧，而邪事滋起」咩？一個《淫褻及不雅物品管制條例》，搞咗三年，又話要做第二階段公眾諮詢，拖泥帶水，效率差成咁，難怪壹淫媒有恃無恐，一於淫賤不能移，無視社會正義的呼聲，當輿論聲討透明，淫賤黎要把宣淫販賤進行到底，搞到成個社會烏煙瘴氣先過癮！
壹淫媒觸犯不雅條例累積過百次，法庭對屢犯者每次罰一萬數千，最多都係五萬元，完全冇阻嚇作用，甚至有「小罰大宣傳」之功能，難怪淫賤黎睬你都傻；政府長期縱容，宣淫要去盡，一於爽死為止！再加上無恥政客包庇，好似公民黨同民主黨咁，平時滿口正義道德，可是實踐起來，卻是另一副嘴臉，呢呢呢，早前立法會有民間團體公審《爽報》，收過淫賤黎過千萬捐款掩口費嘅公民黨同民主黨，竟然全部失聲，好似被人點着啞穴！面對正義，道德、勇氣就咁完全崩潰！唔通佢哋以為即使是虛偽的面具，戴久了也照樣與人血肉相連？嚟緊嘅立法會選舉，老朽呼籲選民認清啲無恥傀儡，用手中一票「實踐正義是一種能力」，將啲助紂為虐嘅政客全部掃出議事堂！