新政府組班消息惹人關注，九巴母公司載通國際副主席陳祖澤（John）尋日被問到會否加入新政府時，佢就耍手擰頭笑稱，自己已經淡出江湖近廿年喇！
咦？阿John離開官場十九年來，從無喺大眾眼前消失，由九巴董事長到馬會主席，不知幾忙碌。武俠小說主角退出江湖後就會銷聲匿迹，但香港高官退休後過檔商界搵真銀，幾乎已成定律，絕少人會瀟灑「裸退」，所以佢點都唔算退隱江湖啦！
