寵物公園燈光差
康樂及文化事務署去年四月於屯門海皇路增設寵物公園，周女士亦經常帶同愛犬入內。不過，周發現園內照明燈分布不均，對使用者造成不便，「我哋通常夜晚先得閒去，但啲角落一盞燈都冇，我對眼唔係幾好，隻狗又細，跑咗去暗角位就睇唔到！」
康文署發言人證實，去年接獲兩宗上址燈光不足的投訴，為改善園內燈光照明系統，工程部門已於去年進行改善工程，增加照明燈數目，現時園內平均光度達二十六勒克斯，比一般公園光度標準為高。因應園內個別地點光度不足問題，當局亦已多次派員於晚間實地視察，正研究採取進一步措施，以加強個別地點的照明情況。
「成個屯門區得一個寵物公園，梗係想佢哋做好啲，公園多暗位始終唔安全，希望快啲加多兩盞燈啦！」周女士促康文署盡快改善公園照明情況，讓市民安心享用園內設施。