單車徑堆貨食署懶執法
不時行經上水龍琛路的陳先生指出，上址單車徑每日均堆放大量貨物，嚴重影響單車使用者前進，不滿食物環境衞生署取締不力，危害市民安全，「單車徑本身已經好窄，仲要放晒啲貨喺度，阻住踩單車事小，啲車煞唔切掣撞埋去啲貨度受傷就大件事！」
本報轉介即巡查
食環署發言人證實，過去一年共接獲三宗相關投訴，期間向店舖負責人發出兩張書面警告。發言人又指，在接獲本報轉介後，已多次派員到上址巡查，期間未有發現再有貨物擺放在單車徑。
當區區議員王潤強批評食環署執法力度不足，以致區內店舖佔用公眾地方問題愈見嚴重，「只係發警告信又冇罰則，舖頭負責人梗係唔驚啦！」王潤強敦促食環署須嚴厲取締，以儆效尤。