公屋升降機滲水維修慢
居於大埔大元邨的戴先生指出，日前泰榮樓其中一部升降機疑受機頂滲水影響而出現「下雨」奇景，有關升降機事後雖停用，但對房屋署久未派員修理甚感不滿，擔心滲水會觸及升降機內機件，危及居民安全，「拖咗兩日先有人嚟整，都唔知會唔會影響埋入面啲機件，搞到漏電點算？」
負責管理大元邨的雅居物業管理公司發言人證實，由於天台水缸牆壁滲漏，導致有關升降機頂部通風槽滲水，事後已停用並張貼相關通告通知居民，並通知承辦商翌日到場檢查維修，於一星期後更換損壞零件，確保運作正常已重新開放。
大埔區議員譚榮勳認為，管理公司應吸取教訓，免同類事件再發生，「升降機內部機件掂到水真係好危險，一定要盡快檢查同維修，保證冇事先好開番畀居民用，如果唔係有意外就大件事！」