煲呔曾因為貪盡富豪海陸空款待而被廉政公署調查後，唔係龜縮唔回答記者提問，就係藉放假或外訪離港避風頭。佢啱啱放完一星期大假，下星期又話要飛去新西蘭外訪，執包袱前仲諗住飛一轉去拉丁美洲宣傳香港喎，真係有公帑使唔使本。雖然佢有權去官式訪問，但平心而論，佢嘅任期只剩下兩個半月，難道外訪完會提出石破天驚嘅大計嗎？明眼人一睇就知佢藉外訪免費旅遊啦！
