煲呔曾貪盡富豪海陸空款待被廉政公署調查後，近日又爆出前政務司司長許仕仁（肥龍）涉嫌違反防賄條例被廉署拘捕，香港聲譽就畀呢啲貪官摧毀。對於肥龍被捕一事，煲呔曾一直放大假龜縮未有回應，佢尋日朝早現身教堂時，依然粒聲唔出，仲一個箭步登上座駕離開。講到尾，煲呔曾當初一手招攬肥龍返政府做政務司司長，做完又留肥龍喺行政會議，在情在理都唔應該置身事外，莫非佢擔心會燒到自己頭上？
