風光時期，梁美芬喺港島西半山有兩個單位、新界西又有兩個單位、九龍西都有兩個單位，到咗一○年樓市漸入佳境，梁美芬就放咗兩個九龍西單位，再買入另一個九龍西單位。到去年初，樓市愈來愈旺，梁美芬於是喺年頭買多個九龍西單位，然後由四月開始逐步放售，四月先賣出一個港島物業，九月再放售一個新界西物業，跟住到今年一月中再賣多個港島物業。
梁美芬十個月內先後放售三個單位，低價買入、高價放出，睇嚟佢賺唔少喎！咪睇佢依家得番三層樓揸手，事關佢向來眼光都唔錯，被佢睇中嘅樓盤都有番咁上下質素，就算唔賣都可以出租，財源一樣滾滾來。