搞政黨最驚被敵方滲透，民協有無被滲透就不得而知，但係佢哋個網站就似乎被人入侵咗。近日我哋透過搜尋器Google搜尋民協網頁，點知Google發出警告，話民協網頁「可能會損害你的電腦」，真係唔知入唔入好。不過，輸入民協個網址依然可以順利進入民協網頁，入到網頁亦睇唔出有乜異樣。
我哋參考番Google嘅診斷網頁解釋，話民協網頁可能被第三者植入惡意程式碼，喺過去九十日內四度從事「可疑活動」，因而被列為「可疑網站」。更得人驚嘅係，Google話民協網頁會擅自將惡意軟體下載落用家嘅電腦，但好彩暫時未有迹象顯示民協網頁變成病毒傳播中心。睇嚟民協真係要搵專人幫網頁消消毒喇。