商務及經濟發展局局長蘇錦樑（Greg）做咗局長年幾，初時講嘢都有啲語窒，不過佢尋日就喺立法會上演咗一幕「拉布耍太極」，一支公棟喺立法會，滔滔不絕咁就香港電台未來偉大嘅發展講咗成半個鐘，單係港台約章、編輯自主已講咗不下五次，為的是等遲大到嘅鬍鬚曾出場。不過其實滔滔不絕唔係最難，但係要不斷講廢話，仲要自我感覺良好，呢個就真係高層次，眼見Greg蘇尋日講得咁興奮，可能佢已經領會到呢種心態，朝向化身「人肉錄音機」在望。
