灣仔驚現「愛滋鳳姐」

「條褲都未着番，佢就話自己有愛滋，嗰一刻我真係嬲到想一巴摑埋佢塊面度。」任職經紀的阿成（化名），每隔一兩個星期，就會忙裏偷閒，到鳳樓「禁鐘仔」實行「鬆一鬆」，未料卻令他近日飽受愛滋疑雲困擾。「依家要等足三個月先知係咪惹到（愛滋病），就算好彩唔中，都畀佢嚇餐飽。」

稱已拮穿避孕套

一個多星期前，他工作後途經灣仔，到友人介紹的一間鳳樓光顧。「一開門見到個囡囡廿零歲，講嘢有啲鄉音，不過身材好好，穿着粉紅色喱士短裙作女僕打扮，個樣都算幾索，咪用五百蚊幫襯佢。」「嫖齡」超過十年的阿成為了安全起見，已做足安全措施，豈料交易後，坐在床邊的鳳姐突然露出一個怪異的表情說：「嘿嘿，你中招喇，我有愛滋病o架。」阿成即時被嚇得心都一離，第一個反應就想一巴摑向對方。「佢個樣驚都唔驚，仲話啱啱連我戴嗰個套都拮穿，個樣仲好似好心涼咁。」

事後阿成向介紹該鳳姐的老友投訴，未料對方竟說原來他並非第一個，之前數天曾幫襯該鳳姐的多名老友，都有同一遭遇。他們發現該鳳姐雖然三個多月前開始在上址做生意，但直至三月初才向客人自稱有病，懷疑是該段時間證實感染愛滋，以她每日接七至八名客人計，受害人估計超過一百人。阿成形容現時被該鳳姐玩殘：「又唔可以同屋企人講，更加唔敢同老婆做（愛）。」

無開工或已離港

至於愛滋鳳姐連日來卻未有開工做生意，據了解，該大廈內接客的鳳姐不少來自內地，留港一段時間便會離去，愛滋鳳姐或已離港。

法律界人士梁永鏗指，就算證實鳳姐刻意將病毒傳染他人，僅可構成傷人或嚴重傷人等罪名，並不屬謀殺及企圖謀殺。「染愛滋病唔係一定會死，只可以按病情嚴重性，控以傷人或嚴重傷人。」倘鳳姐只是靠嚇，梁更指並不屬刑事罪行，因為對方沒有任何勒索行為。