建制派護短 貪曾全薪而退

立法會昨於沒有記名表決下，通過二讀曾蔭權政府最後一份預算案，之後審議分別由七名泛民議員提出的共十項修訂，其中人民力量陳偉業提出削減特首辦及行會全年預算開支約九千三百萬元、公民黨梁家傑提出削減曾蔭權三個月薪金逾一百零五萬元、工黨何秀蘭提出削減曾蔭權及其夫人三個月社交活動及酬酢津貼約廿七萬元。

冇做好呢份工 損政府聲譽

在二○○七年特首選舉敗於曾蔭權的梁家傑，批評對方「冇做好呢份工」，競選時多項關於政制、教育及醫療的承諾均沒兌現，其貪小便宜行為更有損政府聲譽，令人質疑政府偏幫財團，影響公務員形象及士氣，理應減人工。

立法會昨日通過二讀二○一二至一三年度預算案。

放大圖片

社民連梁國雄表示，曾蔭權毋須接受立法會用特權法徹查，減人工是理所當然，「三個月便宜咗佢啦」。人民力量陳偉業表示，雖然曾蔭權已成立委員會檢討特首利益申報制度，但只是規管未來特首，卑鄙無恥。工黨主席李卓人揶揄曾蔭權「全部都係人哋款待佢，佢都唔使使錢款待人o架啦！」故應削減曾蔭權的社交及酬酢津貼。

昨日有多位議員提出修訂，要求削減政府開支。圖為李卓人	梁家傑	涂謹申

多名議員不滿曾蔭權政府「等收工唔做嘢」。何秀蘭表示，現已選出候任特首，「有嘢都搵梁振英啦」，又指市民不應花錢給曾蔭權「圍、威、餵」，即與富商「坐埋一『圍』」、只聽好說話「認『威』認叻」、以及與大財團「互相輸送、互『餵』利益」，指曾蔭權「咁多醜聞，理應閉門養悔思過。」

不過，在建制派議員集體「護短」投下反對票下，三項針對「貪曾」及其他各項泛民修訂終全軍覆沒。立法會將於今早續會，處理餘下的修訂及進行三讀表決，預計後者可順利通過。

議員精彩發言

陳偉業（人民力量）：曾蔭權最無恥，對公務員就嚴謹，佢自己就冇限制，令人齒冷。

梁國雄（社民連）：罰曾蔭權三個月人工只係小懲大戒，佢又唔需要接受P&P（特權法）查。

何秀蘭（工黨）：如果應酬只係偏聽大財團聲音，市民唔需要用錢畀佢（曾蔭權）去「圍威餵」。

梁家傑（公民黨）：曾蔭權冇做好呢份工，減人工係理所當然，三個月便宜咗佢。

李卓人（工黨）：起碼要減酬酢費，全部都係人哋款待佢，佢都唔使款待人哋。