森美：「今次嘅事件好極端，藝人唔着衫都照影，所以自己亦好驚響屋企會畀人影到，衫都會着多件，但今次報告令傳媒有咗個指引，係一個好好嘅警惕，自己亦安心咗，希望佢哋分清私隱同市民知情權。」
王祖藍：「呢次偷拍事件完全係踐踏咗藝人嘅私隱，如果咁樣都得，佢哋以後咪仲過分？佢哋嘅底線只會愈來愈低，所以好歡迎呢次裁決，希望可以響公眾利益同私隱權上面有平衡。」
盧大偉：「呢次事件的確過咗界，係有晒預謀響高處用長鏡去偷拍，情況有如夾硬去影人哋裙底一樣，嚴重侵犯私隱嘅行為，呢次裁決終於可釐清呢類問題，唔單止藝人，一般人嘅私隱亦應受尊重。」
