伍小姐每天均由土瓜灣乘搭九巴85X線往沙田上班，近日發現該班次脫班情況日漸嚴重，曾有一個早上，原訂十六分鐘開出一班的班次，竟等候逾半小時始能登車，「其實呢條線啲車每日都例遲，我已經預早咗出門口，但真係冇諗過會遲咁多，結果我嗰日都係遲到，真係激氣！」
九巴發言人表示，由於當日上午一班85X線巴士因機件故障，須返廠修理，令車務受到影響。不過，發言人強調當時已即時作出調動，調整班次以疏導乘客。
縱使九巴已作解釋，伍小姐卻認為其回應有迴避問題之嫌，「佢淨係講嗰日有巴士故障，咁其他時間脫班又點解釋？冇理由日日故障！」伍又指過去多次向九巴反映脫班問題，惟一直未見改善，甚表失望，「希望佢哋今次真係可以認真聽吓市民嘅意見，啲班次安排得好啲啦！」