濱海街人車爭路 好牙煙
鰂魚涌濱海街與英皇道路口街市人流川流不息，由於路口不設行人過路燈及其他交通措施，致不時出現人車爭路，「有街坊話之前好似有老人家喺嗰度過馬路畀車撞倒，但政府咁耐都冇諗過加設施！」街坊岑先生曾多次向運輸署反映問題，不滿未獲理會。
運輸署發言人指出，現時由英皇道轉入濱海街的車輛流量不多，故該署未有計劃在該處設立任何交通措施，雖然如此，該署建議重髹英皇道與濱海街交界之交通標記，以提醒駕駛者留意交通情況。
岑先生坦言不滿運輸署的回應，「佢哋到底有冇睇清楚問題嘅核心，其實每日都有好多車由濱海街轉出英皇道，尤其朝早八點，係咪佢哋仲未返工唔知？」
東區區議員丁江浩表示，一直有關注上址問題，並與當局商討解決方法，「我哋同政府傾緊睇吓可唔可以將行人路路口嘅地台起高啲，令行人將馬路同行人路分得清楚啲！」