新一屆政府將會大換班，有傳候任特首梁振英屬意現任發展局局長林鄭月娥擔任政務司司長（CS）一職，令有意擔任此職嘅新民黨主席葉劉淑儀不是味兒。
葉劉尋日喺電台節目上坦言，佢年紀大過林鄭咁多年，十幾年前已擔任局長，加上之前去外國讀咁多書兼吸取直選經驗，如依家要佢重返政府擔當林鄭嘅下屬、返去跟個「妹妹」，佢塊老面皮點放得落喎！
