梁願接受2017普選洗禮

梁振英昨於電台錄音訪問表示，選舉期間落區讓他學懂民間智慧，令他更懂得謙卑，希望市民可支持他，讓他五年後有機會參加第一屆特首普選：「我十分願意同歡迎接受普選嘅洗禮，會爭取全港市民授權。」對於外界「驚梁振英」的說法，他重申大家唔使驚，但承認自己溝通方面有改進空間：「大家有咩顧慮我想聽，如果有實質例子都想聽想反省。」

畀機會低民望官員改進

對於唐英年的防暴論及商台續牌風波，梁振英形容事件是「無妄之災」，但不會怪責對方：「唐英年仍然係佢自己，係有人唆擺，捏造事實嘅做法，一個大話遮蓋一個大話嘅做法，所以我唔怪佢。」問及當選後會否公開有關行會資料，他說暫不清楚特首是否有權公開，但稱「我好有動機去做，可以做一定做」。

對於中央被指嚴重干預今次選舉，梁振英表示，會要求中央在港機構按《基本法》辦事，反對任何人違反《基本法》干預本港高度自治，又稱他接觸過的中聯辦官員，都是為香港好。

談及下屆政府管治班底，梁振英稱對官員「才係有要求、德係有要求、民望亦有要求」，但「人無完人」，對於低民望的官員亦應給予機會，「民望低原因係咩要考慮，有冇改進空間都係要考慮」。

唔敢講贏「香港贏先係贏」

梁振英表示，即使他在明日取得六百零一票順利當選，亦不敢講「贏」這個字，因為香港發展沒有終點，只有「香港贏先係贏」，他希望可和全港七百萬人，一同改變社會發展停滯不前的局面。