各區投票人士心聲
柴灣票站 周女士（家庭主婦）「市民唔出嚟參加民間投票係對唔住下一代，希望民間投票嘅結果可以畀選委做參考，投白票好唔負責任。」
理大票站 蕭生（殘疾人士）「我係來投白票，香港貧富懸殊咁嚴重，對佢哋（三名候選人）都冇信心。希望二○一七有普選，下屆政府起多啲公屋，唔好咁多人住板間房。」
深水埗票站 李先生（公務員）「睇到新聞話個網畀人入侵，所以專登落街投票。我估黑客入侵網站多數係有人為咗控制戰局！」
理大票站 芬姐（家務助理）「喺天水圍出嚟理大，小圈子選舉唔到我哋揀，一人一票先會選到心水特首，今次三個候選人都幫唔到低收入人士，我來投白票。」
深水埗票站 陳先生（會計界）「臨時轉用實物方式投票無私隱可言，不過我覺得可以諒解，黑客入侵事件一定有心人所為，因為唔想港人有權投票！」
港大票站 戴先生（大學生） 「不想今次選舉流選，所以前來投票表態，覺得梁振英能力高一點，所以投咗佢。」