簷篷冧石屎 途人驚中頭獎
大廈簷篷石屎外露，途經巿民隨時「中頭獎」！張婆婆早前行經觀塘物華街，發現一幢大廈的簷篷有石屎剝落，「嗰度零零舍舍露晒石屎，都唔知會唔會有危險，快啲搵人睇睇啦！」
街坊促屋署加強巡查
屋宇署發言人表示，接獲投訴後曾派員視察，發現上址簷篷底有批盪鬆脫情況，但沒有發現有混凝土剝落迹象，亦不會影響行人安全。不過，發言人又稱，早於去年十一月已向該大廈業主立案法團發信，要求及早委聘建築專業人士定期檢查及進行所需的維修工程。
張婆婆聞言後鬆一口氣，「平時都有好多老人家好似我咁過嚟呢頭買餸，有咩事真係避唔切o架！」張認為屋宇署應多派員巡查舊區，以便及早發現有潛在危險的建築物，保障市民安全。