長康斜道彎 苦煞輪椅客

居於長康邨的張小姐家有長者，不滿長康商場斜道迂迴曲折，令家人出入大為不便，「阿爸出入要坐輪椅，如果行條斜路冇人幫手推，根本就行唔到，真係邊度都唔使去！」張又指，邨內不乏使用輪椅的長者，但商場三樓平台只有一條上行扶手電梯，而現有升降機則經常被佔用作上落貨，導致長期「人貨爭（車立）」，加上升降機位置偏僻，出入者亦須「兜路」。

路德會長青群康中心社區關注組主席曾啟與副主席邱國華平日均靠電動輪椅出入，日前使用斜道由地面前往商場三樓，便需經過三條斜道，花逾四分鐘，即使戶外氣溫不高，不消一刻已汗流浹背，「啲斜路又長又斜，兜嚟兜去，如果用手動輪椅，起碼要用多三、四倍時間！」

街坊心聲 蘇先生：「我屋企有老人家，每次佢哋行樓梯都好辛苦，又唔方便，最好有部（車立）啦！」

徐曉杰指領匯多年來一直未有改善長康商場無障礙設施，令區內居民捱「長命斜」。

無上蓋 好天曬落雨淋

曾不滿商場設計逼輪椅使用者日日「遊花園」；邱則指斜道不設上蓋，未能予民為便，「完全係好天曬、落雨淋，依家好多商場都有（車立），點解呢度嘅設計仲咁過時！」

左婆婆：「成日行上行落真係好辛苦，如果有（車立）搭就輕鬆好多啦！」

曾先生（後）及邱先生（前）使用斜道時需繞大圈，更因不設上蓋而常受日曬雨淋之苦。

領匯發言人指出，長康商場已納入「暢通無阻通道」提升計劃，現階段尚未開展工作，未來將逐步增設無障礙設施，目前商場地下設有斜道通往平台休憩花園及商場，商場內亦設有升降機穿梭各層，供有需要人士使用。

僅有貨（車立） 居民難使用

「佢哋講嘅升降機其實只係貨（車立），貨（車立）係畀商戶運貨，根本唔適合居民用！」當區區議員徐曉杰曾分別向房署及領匯反映，惟雙方只不斷重申現有設施已足夠，漠視問題，「房署同領匯互相推卸責任，成日用斜道同貨（車立）做擋箭牌，事實證明兩種方法都唔方便，完全無視居民苦況！」

公屋聯會主席王坤稱，長康商場問題已存在逾十年，由當年房署管理到領匯接手，雙方均採「拖字訣」，令問題解決無期。王又指，不少屋邨與商場通道同樣存在無障礙設施不足問題，「講到尾都係錢嘅問題，領匯真係要諗下切切實實解決問題，唔可以再拖；房署亦應該企喺居民立場，要求領匯快啲改善！」

記者：陳倩儀

攝影：黃芷君