政情：大舞台：林偉強轉軚 向梁營示好

早前發生嘅「流浮山鄉事選委飯局」搞到特首選舉滿城風雨，但對一直民望高企嘅特首候選人梁振英影響不大，仍被看高一線。唔少提名咗唐英年嘅選委都相繼「跳船」，好似鄉議局副主席林偉強，尋日就話鄉事派同梁營已經冰釋前嫌，又話將來可以保持合作同溝通咁話。

林偉強之前鬧梁營中人鬧得咁狠，依家態度就一百八十度轉變，難怪佢咁多是非都可以穩坐鄉議局副主席個位喇。