增電單車泊位運署齋噏
電單車泊位不足，衍生的違泊問題亦無日無之。葵芳區上班族陳小姐指出，盛芳街一帶的電單車泊位一直供不應求，多年來亦未見改善，「呢度嘅車位長期都唔夠，我不時都見到三架車逼埋泊兩個位！」陳又指礙於車位不足，導致違例停泊問題無日無之，「十個茶壺得九個蓋，好多車都要泊出界，變相阻住途人過馬路，都幾麻煩！」
運輸署發言人表示，上址共設有十五個電單車泊車位，承認已注意到上址附近停車場只能提供小量電單車泊位，故正研究加設泊位的可行性。
「佢哋（運輸署）早就應該落實搵地方加泊位啦，拖咗咁耐郁都未郁過，搞到呢度愈來愈多車違泊！」陳小姐要求運輸署盡快落實增設電單車泊位，紓緩泊位供求緊張的問題。