特首候選人唐英年同老婆位於九龍塘約道大宅僭建醜聞令全城嘩然，屋宇署已陸續約見涉及事件嘅結構工程師及工程人員，目標喺五月底前完成調查。不過，屋宇署署長區載佳尋日爆料，話署方至今仍未能約見作為業主嘅唐唐及唐太郭妤淺。記得當日唐唐講過話會全力協助屋宇署調查，但依家區載佳話搵唔到業主索取資料，如果最後都搵唔到業主，署方會採取乜嘢行動呢？唔通要貼番張尋人啟示？
