金管局前總裁任志剛自退休後，都不時評論本港經濟政策，佢尋日出席智經研究中心活動時又發表偉論，寸爆依家政府喺經濟層面嘅理論基礎愈來愈薄弱。
佢話，其實香港市民係好可愛嘅，只要同市民解釋清楚，大眾就會肯同政府一齊勒緊褲頭，但如果唔肯講清楚個理據基礎，就算派錢畀市民，佢哋都唔會多謝你喎。任總咁有遠見，莫非佢心思思想做下屆財爺？
