昂坪纜車故障似短樁
【本報訊】昂坪纜車在年初三因軸承（即啤令）磨損故障，八百名乘客嚴寒天氣下被困，纜車代表昨在立法會表示會改善應變措施，在車廂添置暖包及毛氈，但被議員揶揄暖包「笑大人個口，即係下次都會再困啦！」，又批評不設無線電對講機系統是落後，難配合乘客緊急需要。亦有議員質疑纜車啤令是次貨，否則不會輕易故障。
昂坪纜車董事總經理邵信明在立法會經濟發展事務委員會會議強調纜車是安全，日常運作時有大量訊號傳回自動保障系統，間中有停駛是正常，現待外國獨立專家調查故障原因，並會更換全部七個啤令。議員甘乃威批評，去年十二月纜車發生三宗故障而暫停服務，當時便應全面檢查，但昂坪管理層卻掉以輕心，直至年初三再有事故，質疑「係咪要撤換管理層？」另外，他又指昂坪冬季時在車廂設暖包是「笑大人個口」，難挽回遊客信心。
似特首「畀人鬧先識醒」
另一議員陳偉業則指，纜車啤令原本壽命可運作九萬多小時，但使用兩萬多小時就磨損，「係咪用咗次貨？係咪機械中的短樁事件？」至於邵信明指將來纜車故障會以真人廣播通知乘客，陳批評：「點解對講機都冇？困𨋢都有啦！係咪要死人塌樓先如夢初醒？正如特首收受利益咁，又係畀人鬧先識醒！」
機電工程署署長陳帆表示，纜車機件從歐洲入口，已考慮香港天氣環境，質量是無問題，而在車廂安裝對講機是有技術困難，但會與昂坪研究。