曾局長以「內地遊客之量變與質變」為題，列舉兩例，指有朋友近日到訪內地遊客眾多嘅尖東海濱花園，「一路看不見地上有垃圾」，證明內地同胞都唔係到處拋垃圾。佢又話，曾有朋友搭港鐵，起身讓位畀佢嘅，係年輕內地女子，並非香港人，證明內地人有禮喎。
聽完啲例子，認真啼笑皆非。第一，街道一塵不染，應記一功嘅，係嗰班清潔工人先啱。第二，港鐵偶一為之有內地人讓座，點都抵唔番十個內地人喺港鐵大小便、大吃大喝。
曾局長一邊叫港人唔好以偏概全睇事物，轉頭就以「單一例子」撐內地人，明顯「大細超」。唔通喺曾局長眼中，京城月亮真係特別圓？