領匯殺街市苦煞七萬人

無端「被殺」的街市位於頌富廣場一期，本與頌富廣場二期天富（現代）街市共同服務天頌苑、天富苑、天悅邨及天晴邨約七萬多名居民。自一期街市於去年十月底約滿停業後，二期街市雖有擴建，但面積遠不及兩個街市，現僅能容納六十個檔戶，無法滿足居民需要。

「兩個街市都係勉強夠用，依家得番一個，次次入親去都又逼又焗！」居民英姐直言僅餘街市經常人多擠迫，其夫便曾因此跌倒而需送院治理。亦有居民不滿街市檔戶選擇大減，令貨物價格上漲，「呢邊街市啲嘢貴過出面好多，但係返工貪佢就腳，都冇計啦！」

菜貴到十六蚊一斤

當區區議員趙秀嫻直言近月接獲居民相關之投訴不絕於耳，「佢（領匯）淨係識搵錢，根本唔理少咗個街市對街坊有幾唔方便！」趙指區內的天晴邨與另一私人屋苑近年始建成入伙，居民數目有增無減，認為領匯削減街市數目乃不負責任之舉，促盡快研究對策以滿足區內居民需要。

元朗區區議員黃卓健則透露，舊街市原有舖位約五十個，新街市檔位雖仍有約六十個，但自舊街市遷至的僅有十個左右，大部分檔戶均未「過檔」，而高昂的租金亦令市民「捱貴餸」，「喺天水圍買菜貴到要十五、六蚊一斤！」黃認為政府應考慮於區內重新增設食環署街市，以紓緩現有問題。

兩個街市僅掹掹夠

「有成七萬人，兩個街市都已經掹掹緊夠用，得番一個係罔顧民生！」公屋聯會主席王坤狠斥領匯不斷將街市「升呢」引入獨立商戶，有無視居民實際需要之嫌。

領匯發言人指出，為提升居民購物環境，一期街市約滿後將重新間隔，以引入不同種類商舖，公司已於街市結業前為餘下另一街市進行擴建，更曾協助部分舊街市商戶搬遷至擴建部分，令餘下之街市能繼續為居民提供多種類的新鮮糧食及購物選擇。但至於「被殺」街市原有檔戶數目及當中共有多少戶遷至另一街市的數據，發言人均拒絕提供。

記者：林松澧