上水違泊單車愈掃愈有
政府打擊違泊單車清理行動「零收效」，令新界北區單車阻街問題解決無期。由民政事務處及多個部門組成的工作小組會向違泊單車張貼警告要求移走，到期即充公，惟警告毫無阻嚇力，不少車主撕去通告後照泊如儀，令行動大打折扣。立法會議員轟部門行動不得其法，指區內單車泊位不足才是癥結。
上水居民李先生愛踏單車到石湖墟街市購物，惟每次途經港鐵上水站天橋總要格外小心，「條單車徑泊咗三重單車，大半條單車徑冇咗，遇上對頭車好易有碰撞！」李指違泊單車不但佔用單車徑，甚至樓梯亦被攻陷，不滿政府掃蕩不力，「個個月都出通告話會清啲（違泊）單車，但次次清完啲車又喺番度，一啲都冇改善到！」
記者了解情況當日巧遇聯合行動，發現工作人員僅清理貼有警告通知的單車，行動完結後，仍有大量單車違規停泊於天橋，至於附近的龍運路一段單車徑亦有大量違泊單車，聯合行動成效備受質疑。
危害行人 倡增泊位治本
上水區議員王潤強坦言違泊單車既影響巿容，亦危及行人安全，「試過有啲泊喺樓梯嘅單車碌咗落嚟，撞親個小朋友，真係好危險！」王指現時跨部門小組雖會向違泊單車發警告要求車主移走單車，惜收效不大，「啲通告成日畀人撕咗，即使架單車係違泊，冇咗張紙明明係違泊都唔敢清！」王指違泊單車數量日增與區內單車泊位不足有關，促政府增加單車泊位根治問題。
「車主撕咗張通告，食環署就唔會移走部違泊單車，咁警告嚟做乜？」立法會議員陳淑莊直斥現有清理行動浪費資源兼欠缺成效，認為違泊問題嚴重反映規劃失衡，政府須以治本方法解決單車違泊問題，「咁多居民用單車，即係對單車配套設施有需求，政府應該由設計同規劃方面去解決。」
民政事務總署發言人指出，過去一年共接獲十六宗有關上址一帶單車違泊的投訴，由多個部門組成的「處理北區單車問題跨部門工作小組」每月均會採取聯合清理行動。最近一次聯合行動共發出一千零七十八張通告，並清理四十七輛單車，清理地點包括上水站出口行人天橋一帶。發言人補充，就現時新市鎮單車徑及泊位設施問題，運輸署已委託顧問研究，以提出改善措施。
記者：楊育輝