北京大學教授孔慶東辱罵「香港人是狗」嘅言論，不但引起港人怒吼，更觸發中港兩地矛盾和衝突。不過，港府官員一直未就事件表態，好似旁觀者睇戲咁，直到尋日立法會議員謝偉俊提出質詢後，政制及內地事務局局長譚志源書面回覆，不點名批評孔慶東嘅言論已超越學術範疇，而且帶有侮辱性嘅言語用詞，對此深表遺憾喎。咁遲至講，唔好等到下屆政府先至講！
