宣傳物擺行人路冇人理
行人路變宣傳平台，食物環境衞生署被斥執法不力！吳先生每日均會途經馬鞍山錦英苑巴士總站附近行人路，發現行人路上長期有電視、易拉架、木板等雜物擺放路中以作宣傳，惟從未發現食環署職員清理，「嗰度係好多邨民必經之路，大大部電視機就咁放喺度，冇理由咁都冇人理！」
食環署發言人指出，該署每日均為上址提供清掃服務，接獲轉介後曾再派員巡查上址，期間發現兩塊木板，惟未有發現電視機或易拉架，職員已即時清理有關物品。根據紀錄，該署過去一年共接獲兩宗有關上址雜物阻街的投訴，均已即時派員跟進及清理。
「我依家行過仲成日都見部電視放喺條路中心，咁都睇唔到？」吳先生要求食環盡快尋找根治方法，「畀番路市民行吓！」