政府一意孤行，三月開始畀內地汽車自駕遊來港，搞到香港人怕怕。新民黨副主席田北辰話，香港司機上大陸當然無問題，但大陸司機安全意識差，唔應該批准佢哋落嚟香港，否則到時撞死人都唔知點收科。田二少建議喺新界禁區設立購物城，所有名牌、奶粉一應俱全，買完嘢即返大陸，一站式流程，內地人要揸車，就只限喺區內揸。
