公僕蛇王部門黑箱處理
公職人員被發現公然違反操守，部門竟拒作交代！有市民分別目擊食物環境衞生署職員及警員於當值期間公然閱報甚至睡覺，涉事部門接獲查詢後，僅稱會按程序處理，拒絕交代詳情。立法會議員與學者皆指有關行為不能接受，認為涉事部門回應投訴的態度透明度欠奉，促作清晰交代、以正視聽。
鍾女士早前行經太子通菜街時，目睹一名穿着制服的警員在警車內呼呼大睡，直指有關行為有損警隊專業形象，「嗰日見到個警察泊咗架車喺路邊，自己就瞓着咗，我入舖頭買完嘢出嚟佢都仲未醒！」鍾指警員駕駛警車出勤應屬執勤，認為警員公然打瞌睡有違操守，要求警方嚴正處理。
無獨有偶，陳先生日前行經屯門新青路近新墟街市，亦發現一輛食環署車輛停泊路旁，司機卻專注閱報，「打工仔返工時間睇報紙都會畀人鬧啦，何況個司機係打政府工？我特登企咗喺度睇佢，點知企咁耐佢就睇足咁耐，仲睇到瞌眼瞓！」陳先生即時向食環署了解有關司機的行為是否涉及失當，未料僅獲覆將按程序處理，令陳極度不滿，「連當值睇報紙係咪犯規都唔敢答市民，擺明係包庇啦！」
「要答嘅嘢已經答咗你」
記者曾就上述個案分別向相關部門查詢，惟皆未獲正面回應。食環署發言人僅說，司機當時正等候接載員工，部門亦有指引訂明司機在駕駛及停車等候時須遵守規則，倘員工違規會按既定程序處理，若查明屬實將被紀律處分，但對於當值期間閱報是否違規一事，發言人卻堅拒回應，僅口頭稱：「要答嘅嘢已經答咗你」。
警方發言人則證實，涉事的警車隸屬西九龍衝鋒隊，警方將就有關事件作出調查，強調警隊一向對警務人員紀律有嚴格要求，如證實有人員違反紀律，將會嚴肅處理。
議員狠批官僚不負責
「市民嘅投訴就好似一面鏡，反映政府管理係有疏漏，無論如何（部門）都要嚴肅處理，仲要畀番公眾一個清楚交代，而唔係答非所問！」立法會議員王國興狠斥涉違反操守的公職人員嚴重影響政府形象，又指涉事部門未有正面回應事件，做法欠透明度及不負責任，「市民又唔係同嗰啲公職人員有仇，點解唔虛心啲？」
香港城市大學專業進修學院學術統籌宋立功認為，涉事有關公職人員的行為明顯不當，「公職人員都係普通人，當值有休息時間係正常，但係睇報紙同瞓覺呢類影響形象嘅行為就絕對唔得！」宋又指食環署與警方作為政府部門，清晰回應市民不滿及疑問屬基本態度，「如果下下都避，只會令公眾對團隊愈嚟愈多誤解！」
記者：馮國豪、嚴朗婷