立法會尋日討論議員「大幅」加薪建議，有人認為某啲工作時間少到「三點不露」、並非全職做立法會工作嘅議員應該攞少啲人工，以減低市民不滿。通常唔能夠全職做立法會工作嘅多數都係功能組別議員，同樣係功能組別嘅建築、測量及都市規劃界議員劉秀成就幫口，話議員少開會都好過啲人講廢話喎。不過，直選嘅李卓人就反駁，話議會工作唔係靠講一句就得，真係要擺時間嘅。
