議員加薪至14萬 市民好嬲

立法會昨開會討論議員加薪建議，吳文華表示，過去一周諮詢四十一名立法會議員，議員都認為現時薪金太低及需設立機制制訂及調整議員薪酬。部分議員認為薪酬需以投入工作程度計算，如工作時間較少的可領取相當於問責局長的三成薪金，全身投入的則可領取五成。

教育界議員張文光表示，議員對口工作單位是問責局長，故薪酬應與局長掛鈎，他又建議非全職投入的議員可自願領取較少薪金，讓公眾「唔好咁嬲」。建築、測量及都市規劃界議員劉秀成則認為，薪酬需考慮議員工作的重要性，而非考慮是全職或兼職，「好少嚟都唔緊要，關鍵時候佢嚟講一句嘢，好過你講一百句嘢，有啲議員係無端白事講一堆廢話嘅。」進出口界議員黃定光認為可由獨立委員會建議議員薪酬與官員掛鈎水平。

吳文華表示，議員都認為現時薪酬太低。（陳錦輝攝）

市民轟過分 黃小姐（零售業）：「加人工應該每年加少少，而唔係一次過囉，同埋要睇佢哋表現，無理由咁理想，個個人工一樣。」（袁志豪攝）

整體評價低難接受

中大政治與行政學系副教授馬嶽表示，即使按表現劃分議員加薪幅度，市民亦未必接受，因市民對整體議員評價不高。城大專業持續進修學院學術統籌宋立功認為，議員分兩種薪酬很荒謬，因公眾對議員的要求一致，議員薪金應統一。

李先生（飲食業）：「一次過加一倍人工好過分，加幅應該有番個準則，譬如係跟通脹，定係跟表現，亦都唔應該一刀切咁加。」	黃小姐（採購）：「冇必要一次加咁多，十四萬月薪唔係好值。一般打工仔都冇可能一次加咁多，亦唔可以唔開會唔做嘢，都同其他人一樣囉。」	鄧先生（商業管理）：「十四萬薪酬對呢個職位需要負嘅責任嚟講其實合適，加到呢個數，其實都有助市民諗一諗，個議員喺咪負到相關責任呢？」

立法會秘書處本周諮詢議員意見，完成報告後於本周五提交內務委員會討論。有市民亦致電到電台節目炮轟加議員人工，沈生先直斥，「好嬲！我做咗十幾年人力資源管理，從來未試加一倍人工而係無performance（表現）」。另外，張小姐亦批評，「議員做到嘢要加，嗰啲無喺度或者坐喺度做投票機器嘅好似呃錢咁」。