店舖將熟食擺放路邊售賣，食物衞生成疑！邱先生經常途經觀塘物華街、瑞和街及輔仁街一帶，發現有多間食店均將食物放置門外售賣，非常不潔，「嗰度咁多車經過，但啲舖頭就咁放晒啲嘢食喺度賣，完全冇遮冇掩，佢哋唔怕啲細菌食壞人咩？」
食物環境衞生署發言人表示，一直有關注上址店舖違規情況，並不時派員突擊巡查以打擊違規行為。接獲本報轉介後曾再派員巡查，並向有關店鋪負責人提出三宗檢控。根據記錄，該署過去一年共接獲六宗有關上址食肆違規的投訴，並向違規店舖提出共三十一宗檢控。
「食環署淨係識得話有檢控，但明明啲舖頭就日日都照樣露天擺賣，情況咁離譜點解都冇人正視！」邱先生促食環盡快尋找根治方法，令問題得以解決。