工專聯齊集自由黨、經濟動力、專業會議及黃宜弘等人開記者會，大家都好期待佢哋嘅立場究竟係點。但點知等極都未齊人，欠劉皇發一個，結果十一人惟有開住先。
梁美芬邀功 眾人黑面
不過，咁都無乜特別，最大鑊係專業會議梁美芬一開始就話「西九新動力」成功爭取重建兩間醫院，公然喺工專聯平台上邀功，其他成員即時黑面。
之後自由黨主席劉健儀亦講明，轉頭自由黨會再開記者會，搞到在場記者一頭煙，點解有嘢唔講，要等陣先講呢？
原來自由黨覺得有啲立場同經濟動力有分歧，費時同場但有唔同嘅意見喎。其實佢哋有無諗過，同場都可以有唔同意見呢?就算大家講咗一百句唔同嘅說話，其實都可以互相尊重嘅呢？