小型貸款助青年創業 遲到好過冇到
【本報訊】「內地支援青年創業已經做得如火如荼，香港依家先做已經遲咗幾年。」八十後青年陳耀峻，兩年前會計系畢業後毅然與師弟一同創業開設IT公司，但發現港府完全欠缺支援，配套亦欠奉，只能靠自己「摸着石頭過河」。他直言，當局現時才推出小型貸款計劃「對我嚟講已經遲咗」，亦擔心有關計劃或需拖至明年才可正式實行。
歐美及內地早已推行
陳耀峻與師弟劉光曆當年各斥資三萬元開設IT公司，以編寫遊戲為主，但半年後已耗盡資本。「籌集資金好困難，又無支援無人脈，最大問題係港府資源好少，問中小企貸款因為無資產申請唔到，數碼港門檻又高！」他指，當年需要自己申請多張信用卡以借貸，最後透過青協創業貸款借款八萬元，半年後才需首次還款，大大紓緩創業初期壓力。
對於當局建議的小型貸款計劃，陳直言上海數年前已開始推行，本港現時「已經遲咗」，只是「有做好過冇做。」但當局若參照銀行私人貸款的利率，部分青年創業者未必負擔得起，認為若可讓申請人作低息貸款會更好。
香港青年協會督導主任鄧良順亦直指，歐美國家甚至內地早已為有意創業的青年提供支援，香港現時才推行是落後於形勢。