交通燈搖搖欲墜唔叫唔整
交通燈搖搖欲墜，路政署竟未有及時處理！郭小姐每天均會行經上水新運路，發現面向小巴站的交通燈傾斜多時，一直未見路政署處理，「我之前仲見到有條紅色封條圍住盞紅綠燈，以為好快會整番啦，點知過咗一排都唔見有人整，呢幾日仲連封條都唔見埋！」郭又指上址屬區內繁忙道路，擔心交通燈一旦塌下後果堪虞，「呢度咁多人經過，盞燈又咁重，陣間突然冧落嚟就死得人多！」
路政署發言人表示，接獲本報轉介後已派員實地了解，證實有關交通燈呈傾斜狀態，已指示承辦商安排維修，相關工程現已完成。
「唔叫就唔整，擺明就係闊佬懶理啦！」郭小姐不滿路政署未有正視事件嚴重性，疏於修理損壞交通燈，有危害市民安全之嫌，「如果一路冇人投訴一路就唔理，到真係出咗事咁邊個負責？」