中環出更：愛妻行善 李運強總動員撐場
歲晚寒冬送暖最溫暖人心，城中知名善長理文造紙主席李運強，前日下午率領一眾子女齊集深水埗元州邨，見證「仁濟醫院李衛少琦安老院」開幕暨命名典禮。
捐300萬獲命名安老院
院舍係因為李運強太太捐贈三百萬元而命名，細仔李文斌以仁濟主席身份主禮，李家姻親亦扶老攜幼去撐場，而前仁濟主席、福建晉江同鄉會會長董吳玲玲亦有出席，齊為長者送上最好嘅新年禮物。
明日就係龍年大年初一，李運強話，過年會同家人去澳洲，但唔係遊山玩水，而係去揀馬。佢十分享受養馬，旗下靚駒不下五十匹，講起馬經頭頭是道。李家出名夠晒團結，次次現身都陣容龐大，當日李文斌、李文恩嘅外父外母都嚟撐場，連高齡公公都嚟為愛女李太打氣，認真厲害！