薛先生習慣早上八時在深水埗怡閣苑巴士站等候九巴58X線前往屯門，日前發現有58X線巴士多次飛站，情況已持續逾一個月，期間更目睹「飛站巴士」車廂未滿座，「朝早由九龍去屯門嘅人唔係好多，所以好肯定係未滿座！」薛曾就此向九巴投訴，惟未有接獲對方回覆，「打過好多次電話畀九巴反映，次次都話遲啲覆，跟住又冇咗件事，都唔知有冇心跟進！」
九巴發言人證實，曾接獲薛先生來電表達對58X線意見。根據車長工作指引，車長必須留意巴士站內乘客候車情況，若有乘客示意登車，除非車廂滿座並已出示滿座訊息，否則應停站讓乘客登車。發言人承諾繼續監察各58X線車長服務，若發現車長表現有未如理想或違反規則，定必給予指導及採取適當紀律處分。
薛先生指近日巴士「飛站」問題已有改善，至今未再遇到同類情況，並接獲九巴來電致歉，「我向《東方》投訴之後，九巴先覆番我，之前同佢哋講過咁多次都冇理我，又冇解釋過點解會飛站，希望佢哋真係會改善啦！」