中環出更：管弦樂團搵總監似追女仔
香港經常被人話係文化沙漠，隨着古典音樂風喺亞洲熱吹，唔少星級音樂大師都爭住來港。最新鮮熱辣，係荷蘭指揮大師范瑞韋頓（Jaap van Zweden），八月將出任香港管弦樂團音樂總監，接替即將離任嘅藝術總監兼總指揮艾度‧迪華特。
情傾荷蘭指揮大師
香港管弦樂團尋日宣布有新成員加入，荷蘭指揮大師范瑞韋頓未有現身，仍透過視象會議同大家打招呼。大師來頭不小，曾奪Musical America年度指揮家2012大獎。難得佢好謙虛，話會將帶領樂團年輕化，仲會演奏多啲中國feel古典樂章喎。
到底係乜嘢打動大師，願意千里迢迢來港？原來多得本身係小提琴家嘅香港管弦協會董事局主席劉元生。劉元生大爆揀蟀過程十足追女仔，一睇中范瑞韋頓，就發力死追，見咗四次面後，終於打動對方。
大師未到港，粉絲先叫好。身為董事局成員嘅中華總商會會長蔡冠深太太蔡關穎琴，以及行會成員梁智鴻嘅太太，都話聽過范瑞韋頓演出，大讚佢又叻又好人。
卓妮