斜坡污水 路政扮盲卸責 水署木條密冚

「啲鐵銹水流咗成年幾兩年，搞到成個斜坡變晒鐵銹色，點解冇部門去睇吓發生咩事？」青衣居民梅女士在○九年曾向本報投訴同一斜坡流污問題，直指情況愈趨嚴重，近日才發現其中一小幅山坡表面加裝木條，但另一邊仍見污水長流，「鋪咗木條表面好似美觀咗，但其實只係遮住咗啲污水，根本就冇解決問題！」

「渠蓋都淨係鋪一半」

梅女士幾經查問下，獲悉有關斜坡由不同部門負責，鋪設木條的部分便屬水務署管轄，「同一個斜坡要分幾多個部門管，木條就鋪一半，連渠蓋都淨係鋪一半，政府部門乜冇溝通咩？」梅不滿因為部門各自為政而令涉及民生的問題解決無期。

滲水長達兩年仍未找出滲水源頭，斜坡在污水長流下已呈鐵銹色。

水務署與路政署各自為政，連渠蓋鋪設亦只得一半。

水務署發言人表示，現正就有關斜坡進行詳細勘察及檢測，以確定滲漏來源，不排除為地下管道滲漏。發言人又稱，在斜坡上鋪設木條屬美化及綠化工程，木條底部更種植藤類植物，期望植物長成後可達綠化之效。對於部門各自為政的指摘，發言人則未有正面回應。

路政署發言人則說，該署負責青康路遊樂場以外的斜坡，而水務署則負責「鋪咗木條同遊樂場入面嘅斜坡」。發言人指去年年初檢查時並未發現有不正常滲漏，接獲本報轉介後隨即派員查察，發現斜坡有滲漏情況，已聯絡水務署跟進以確定滲漏源頭。

「水務署同路政署根本就冇溝通，就咁鋪啲木條就算，明明路政署嗰邊繼續滲水都冇人理！」葵青區區議員徐曉杰直指斜坡污水湧現情況從未止息，批評當局處事官僚令問題解決無期。徐又認為，無論斜坡滲漏屬食水與否，當局亦責無旁貸，「如果係食水滲漏就即係浪費水資源，如果係鹹水就會影響環境衞生！」徐促當局加強 溝通，盡快解決問題，減低對居民所造成滋擾。

未驗滲水 貿然種植物

港大地理系講座教授詹志勇則認為，水務署現有綠化工程有浪費公帑之嫌，「如果未驗過啲滲水係咪有害物質，就咁貿貿然種植物，如果生唔到即係嘥公帑！」詹指斜坡上植物寸草不生，不排除與水中含有有害物質有關。

記者：黃芷君