假零件修車 通街流動炸彈

位於深圳的八卦嶺汽配廣場，更是香港車房另類零件供應倉。「豐田煞車皮都係百零蚊，包裝似到十足十，你鍾意當正價貨賣畀啲客一樣得，好多香港車房會嚟幫襯。」記者隨便走進一間配件店，職員以為是來自香港車房的人，推銷冒牌貨，更指如果想賺到盡，大可以正貨價呃客。「你裝好之後咪畀番個包裝盒畀佢囉，零件都裝咗上去，唔通佢捐入車底睇咩。」記者表明來意，目的只要驗車合格，該名職員即大派定心丸：「呢啲零件真係用得o架，只係冇咁耐用，而且驗車都唔會理你係咪冒牌貨啦。」

品質低劣 隨時甩脫

記者將多款冒牌貨，包括售價分別為人民幣十元的風隔，人民幣十五元的偈油隔及人民幣一百三十元一套的前煞車皮交香港汽車會副會長江日雄檢查，他直指這批零件品質低劣：「風隔主要是透過過濾紙隔開雜質唔會走入引擎，雖然佢表面睇紙張厚實潔白，但睇到過濾紙密度好低，代表過濾功能差。」至於偈油隔接駁口偏軟，令接合時有虛位，使用時會漏油甚至突然脫掉。

直擊深圳汽車冒牌零件銷售 汽車零件店擺出正版貨及翻版貨，證明冒牌貨似足九成。	煞車皮皮面可見裂紋，足以影響煞車時的制動能力。	在煞車皮外殼字體模糊，屬冒牌貨一大識認。

煞車皮出現大量裂紋

但他認為使用劣質煞車皮危機最大。「煞車皮嘅皮面其實係由銅同金屬物料混合製成，皮面出現大量裂紋，即係話喺混合過程中受壓唔夠，使用時會影響煞車嘅摩擦力，普通斜路煞車過程中，隨時產生三四百度攝氏高溫，咁嘅質素根本承受唔到咁高溫度，唔單止煞唔到車，仲會因太熱成塊煞車皮飛脫。」

在風隔上的印有Made In Japan，務求要呃透買家。	江日雄檢查後，對冒牌貨有彈無讚。	自廉署採取行動後，年檢合格率即時急跌。（資料圖片）

對於懷疑有人使用劣質汽車零件，運輸署發言人指如選用不當零件以致未能符合法例要求，在年檢時將不會通過檢查，根據紀錄，不合格項目主要包括車身，廢氣排放及照明系統。自廉署去年十一月採取行動後，私家車進行年檢的合格率由平均超過九成下降至七成多。