一個人蠢，原來真係冇藥醫。特首參選人唐唐日前又大顯「豬」本性，炮轟市建局售樓「華而不實，貴到無倫」，可惜佢蠢到失憶，忘記佢有份審批有關項目，插人變自插，自己把關不力，如今身份一變，竟出來亂咁豬嚎，思慮咁小學雞，能勝任做特首嗎？
一個人蠢，要是老老實實的做人做事，甘於平凡，也是個快樂的老實人；反之，以為信上帝經常懺悔求原諒，就可提高人格精神，改變氣質，自然笑話層出不窮。
老朽想起看過的兩則對話。
第一則：「我的湯裏有一隻曱甴！」顧客喊道。「至少有一隻曱甴知道湯的味道不錯。」經理回答。
第二則：「嘩！有隻油淋淋嘅曱甴啊！」顧客大嗌。「不會吧，湯裏的曱甴我哋全撈晒出來啦！」經理回答。
兩則對話，既逗笑又幽默。第二則經理說已把曱甴撈走，本意是他們服務好，請顧客放心，結果卻暴露更嚴重的問題。
唐唐向市建局開刀，插其不知民艱，建埋啲「貴到無倫」嘅樓，然始作俑者就係佢，不正是弄巧反拙，自暴其醜？
當然，第二則對話裏的經理，起碼也做了點工夫，就是「把曱甴都撈晒出來」，也許是走漏眼，撈剩一隻，不過，他總算出過力。唐唐呢？以為信口開河就可諉過於人，網民怒責：你哋相信一個吊吊揈，只識飲紅酒嘅人，會知自己工作時做過乜？我就唔信囉。老朽有同感焉！聚蠢者，只會更蠢！