港府強推立法會替補機制，又要「替補」但又唔畀辭職嘅人參選，最終觸發廿二萬人七一上街反惡法，港府先至「跪低」補做諮詢。譚志源喺去年九月底接替林瑞麟出任政制及內地事務局局長後，一直密謀為替補機制重新上路，最近終於諗到條屎橋，就係有議員辭職後照搞補選，但只係規定辭職議員半年內唔准再參選。不過，辭職議員係有辦法可以再參選嘅，所以政府搞嚟都嘥氣。
