政情：許漢忠講機場威水史

許漢忠好開心話，機場免稅店最近發生咗件大事，有內地豪客一眼睇中咗一間店舖嘅鎮店之寶，豪爽地畀咗八十八萬八千港元，買咗一支卅年代出產嘅Glenfiddich 1937威士忌，創下本港機場售出最貴嘅美酒紀錄。據Glenfiddich網頁資料顯示，該酒在2001年上市定價約六萬港元，十年間升值十幾倍。不過，相比新加坡樟宜機場，去年九月創下嘅紀錄仍差咁一大截，當時一支有六十二年歷史、全球最後一瓶待售嘅Dalmore62威士忌，又係畀內地豪客出手廿五萬坡紙（約一百五十萬港元）抬走。

許漢忠又透露，機管局短期內會喺機場水域，試驗一種叫深層水泥拌合法嘅環保填海法，搜集數據說服環保團體，建第三條新跑道係唔會搞到機場水域被淤泥水染色，破壞生態。